Landið vil hava avsláttarskipan til byggitilfar

Gjaldstovan biður nú um tilboð uppá eina avsláttarskipan, tá landsstovnar keypa byggitilfar.

Stovnarnir keypa byggitilfar fyri okkurt um 10 mió. kr. um árið.

Gjaldstovan vil geva veitarunum møguleikan at bjóða uppá eina avsláttarskipan, tá keypt verður á byggimarknaðum til landsins stovnar. 

Freistin at koma við tilboði er til 9.desember, stendur á Keypsportalinum. Har stendur eisini, at vinnarin verður kunngjørdur 16.desember.