- Tíðindi, mentan og ítróttur
Fleiri ymiskar grønar hitaloysnir í Havn
Fleiri ymiskar grønar hitaloysnir í Havn
Eitt hitaatlas er gjørt, sum vísir, hvussu Tórshavnar kommuna kann hitast upp, tá ið oljufýringarnar verða skiftar
Í summum býarpørtum verður fjarhitin útbygdur, í øðrum førum kann luft-til-vatn-hitapumpa vera besta loysnin, aðrastaðni er jarðhiti tað besta.
Mynd: Bjarni Árting Rubeksen
26.10.2022 - 15:43
Fólk í Havn fáa nú eitt ítøkiligt boð frá kommununi uppá, hvussu býlingarnir kunnu hitast við grønari orkuloysn.
Samstundis fáa tey eisini eina fakliga meting um, hvørjar hitaloysnir hóska best til ymsu økini, sigur Tórshavnar kommuna.
Í summum býarpørtum verður fjarhitin útbygdur, í øðrum førum kann luft-til-vatn-hitapumpa vera besta loysnin, aðrastaðni er jarðhiti tað besta.
Og í fleiri førum eiga felagsloysnir - nærhitaloysnir - at verða umhugsaðar.
Hitaatlas
Alt hetta kemur fram í einum hitaatlassi, sum er eitt savn av kortum og ein orðað ætlan fyri, hvussu eitt bygt øki sum Tórshavnar kommuna kann hitast upp, tá ið oljufýringarnar verða skiftar.
Tað er ráðgevandi verkfrøðingafyritøkan SMJ, sum ger hitaatlas fyri Tórshavnar kommunu.
- Bakstøðið fyri at gera eitt slíkt hitaatlas er, at næstu átta árini skulu 5.000 hús og bygningar í Tórshavnar kommunu skifta hitakeldu.
SMJ hevur gjørt hitaatlas fyri Tórshavnar kommunu.
Er kopiera
Nýggjastu sendingar í ÚV
