- Tíðindi, mentan og ítróttur
Dialysuviðgerð í Suðuroy næsta ár
Dialysuviðgerð í Suðuroy næsta ár
Uppskot um dialysuviðgerð í Suðuroyar sjúkrahúsi er liðugt, og tað verður viðgjørt í sjúkrahúsleiðsluni í løtuni
Suðuroyar sjúkrahús fer at bjóða dialysuviðgerð næsta ár, sigur landsstýrismaðurin í heilsumálum.
31.08.2022 - 08:27
Næsta ár kann Suðuroyar sjúkrahús bjóða dialysuviðgerð.
Tað sigur Kaj Leo Holm Johannesen, landsstýrismaður, í svari til Bjarna Hammer, løgtingsmann.
Ein millión krónur eru til dialysuútgerð í fíggjarlógini í ár.
Keypa útgerð í ár
Kannað er í Danmark og í Íslandi, hvussu tey gera har. Tær kanningarnar eru lidnar, og útgerðin verður keypt í ár.
Eitt uppskot um, hvussu dialysuviðgerðin í Suðuroyar sjúkrahúsi skal vera, var liðugt í síðstu viku. Tað verður viðgjørt í sjúkrahúsleiðsluni í løtuni.
Um alt gongur sum ætlað, kann farast undir at geva dialysuviðgerð í Suðuroyar sjúkrahúsi næsta ár, sigur Kaj Leo Holm Johannesen, landsstýrismaður.
Er kopiera
Nýggjastu sendingar í ÚV
Leygardag 18. januar
TEMAPLÁTAN: Welcome to the Pleasuredome, Frankie Goes To Hollywood, 1984
186486
Nýggjastu sendingar í SV
