Kletturin ruddaður burtur

Ferðslan á vegnum beint sunnan fyri Sundsverkið var tarnað um middagsleitið, tí ein klettur ruddi oman á vegin.

Ein bilførari, sum sá stóra klettin koma rullandi omaneftir, boðaði løgregluni frá.

Kletturin var á stødd við ein miðalstóran persónbil.

Fólk hjá Landsverki fór á staðið og ruddaði klettin burtur, og nú gongur ferðslan aftur sum vant.