Tíðindafundur um koronustøðuna klokkan 15

bannari
Tíðindafundur um koronustøðuna klokkan 15
Koronustøðan í landinum ger nú, at myndugleikarnir kalla inn til tíðindafund klokkan 15. Løgmaður, fútin og landslæknin luttaka
Bárður á Steig Nielsen, løgmaður, hevur kallað inn til tíðindafund um koronustøðuna í landinum klokkan 15
Mynd: Bjarni Árting Rubeksen  
 
04.11.2021 - 11:59

Klokkan 15 í dag verður tíðindafundur um koronustøðuna. 

Tað er Bárður á Steig Nielsen, løgmaður, ið hevur kallað inn til tíðindafundin, har Michael Boolsen, fúti og formaður í Farsóttarnevndini, og Lars Fodgaard Møller, landslækni, eisini luttaka. 

Tíðindafundurin verður sendur beinleiðis í sjónvarpinum og útvarpinum. 

 

Smittan tekur aftur dik á seg

Tað er stóra koronuútbrotið, sum er orsøkin til, at løgmaður kallar inn til tíðindafund. 

Seinastu dagarnar hevur talið av smittaðum aftur verið vaksandi.

Í løtuni eru 757 fólk smittað í Føroyum, og bara í gjár vóru 85 nýggir smittutilburðir. 

Sí koronuhagtølini her.

 

Tilmæli í gjár

Í gjár boðaði landsstýrið frá, at avmarkingar vórðu settar í verk, fyri at tálma smittutrýstinum.

  • Øll tiltøk, har 50 fólk ella fleiri savnast, eiga at verða útsett.
  • Ítróttardystir kunnu avgreiðast, men hetta eigur at vera uttan áskoðarar.
  • Skúlar og dagstovnar, har smittan ger um seg, eiga at lata aftur. Ráðgevandi nevndin innan skúla- og dagstovnaøkið tekur saman við Landslæknanum støðu í hvørjum einstøkum føri.
  • Frítíðarvirksemi hjá børnum og ungum eigur at steðga, har smittan ger um seg.
  • Náttarlívið eigur at lata aftur. Hetta er tó ikki galdandi fyri matstovur.
  • Øll eiga framvegis at kanna seg annan dagin eftir komu.
  • Koronalinjan letur upp aftur í morgin.

Tilmælini eru galdandi í tíggju dagar. Frá í dag til og við fríggjadagin tann 12. november, boðaði løgmaður frá í gjár. 

 

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243