Atkvøða um fíggjarlógina í dag

Løgtingið fer at atkvøða um fíggjarlógina fyri 2021 í dag.

Onnur viðgerð er fyrst í skránni fyri tingfundin, sum byrjar klokkan 14. 

Tingfundurin skuldi vera klokkan 11, men hann er útsettur, tí Smyril sigldi ikki fyrsta túrin í morgun. Hann hevur tekniskar trupulleikar.

Fíggjarnevndin kom við áliti sínum fríggjadagin.

Í tí eru nógv broytingaruppskot. Hallið er 41 mió. kr. størri enn tað var hjá landsstýrinum. Sambært álitinum er hallið 213 mió. kr.  

Tingið skal eisini atkvøða um onnur uppskot í dag, millum annað um Fjøruvegin í Runavíkar kommunu.