Viðgera støðuna aftur í dag

Viðgera støðuna aftur í dag
Enn er ógreitt, nær sjúkrarøktarfrøðingarnir koma til eina niðurstøðu, eftir at felagið vrakaði semingsuppskotið í gjár
Partarnir boðaðu seinnapartin í gjár Semingsstovninum frá støðu síni til semingsuppskotið. Sjúkrarøktarfrøðingarnir vrakaðu semingsuppskotið, men Lønardeildin góðtók tað
Mynd: Bjarni Árting Rubeksen  
 
08.10.2020 - 09:37

Nevndin í Felagnum Føroyskir Sjúkrarøktarfrøðingar sat á fundi, til seint í gjárkvøldið og viðgjørdi støðuna, nú felagið hevur vrakað semingsuppskotið, sum Semingsstovnurin legði fyri partarnar.

Óluva í Gong, forkvinna í felagnum, sigur, at nevndin fer at hava fund aftur í dag, men hon veit ikki enn, nær felagið kemur til eina niðurstøðu um, hvat gerast skal. Hon sigur, at samskifti hevur eisini verið við álitisfólkini. 

Lønardeildin góðtók semingsuppskotið

Mótparturin, Lønardeildin í Fíggjarmálaráðnum, góðtók hinvegin semingsuppskotið.

Sjúkrarøktarfrøðingarnir fingu boðið tað sama, sum aðrir starvsbólkar á almenna arbeiðsmarknaðinum hava fingið bjóðað, men tað góðtóku teir ikki, segði Jan Mortensen, stjóri á Lønardeildini hjá Fíggjarmálaráðnum, við útvarpið í gjárkvøldið. 

Óluva í Gong, forkvinna í felagnum hjá sjúkrarøktarfrøðingunum segði, at tey ikki lata seg trýsta til nakað, sum tey ikki kundu taka undir við.

Hon vildi hava tíð til at viðgera støðuna í nevndini.
 

Er kopiera
Nýggjastu sendingar í ÚV
Hósdag 3. apríl
Morgunlestur hósdagur 3.apríl 2025
189978
Mikudag 2. apríl
Eitt korter við klassiskum
190152
Mikudag 2. apríl
Morgunlestur mikudagur 2.apríl 2025
189977
Týsdag 1. apríl
LEITISSTEIN 01.04.2025 (Blátt Gras)
190130
Nýggjastu sendingar í SV
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125
Sunnudag 30. mars
Andakt
190022
Sunnudag 30. mars
Møti úr Nebo á Toftum
190017