Skálaspælari í landsliðshópinum

Lars Olsen, landsliðsvenjari, hevur úttikið tjúgu spælarar til EM-undankappingardystirnar ímóti Malta og Rumenia.

Karstin Hansen úr Skála er fyri fyrstu ferð partur av hópinum.

Jóan Símun Edmundsson var ikki tøkur til teir síðstu dystirnar í UEFA Nations League kappingini orsaka av skaða, men hann er við nú.

Lars Olsen hevur møguleika at úttaka 23 spælarar, men hevur valt bara at taka tjúgu spælarar hesaferð. 

Sum skilst er tað eftir boðum frá FSF, tí talan er um at spara útreiðslur.

Tað hevur millum annað við sær, at spælarar sum Gunnar Vatnhamar, Meinhard Olsen og Jógvan Rói Davidsen ikki eru úttiknir hesaferð.

Føroyar spæla ímóti Malta 23.mars og ímóti Rumenia 26.mars. Báðir dystirnir eru á útivølli.

Hópurin:

Gunnar Nielsen, FH
Teitur M. Gestsson, HB
Karstin Hansen, Skála

Atli Gregersen, Víkingur
Odmar Færø, Ham Kam
Viljormur Davidsen, Vejle
Magnus Egilsson, HB
Gilli Sørensen, Brann
Sonni R. Nattestad, Fredericia

Heini Vatnsdal, Fremad Amager
Rene Shaki Joensen, Grindavík
Hallur Hansson, AC Horsens
Brandur H. Olsen, FH
Rógvi Baldvinsson, Bryne
Kaj Leo í Bartalsstovu, Válur
Árni Frederiksberg, B36
Sølvi Vatnhamar, Víkingur

Jóan Símun Edmundsson, Arminia Bielefeld
Jákup Thomsen, FH
Klæmint Olsen, NSÍ