Viking vil hava Sonna Ragnar Nattestad

Viking vil hava Sonna Ragnar Nattestad
Nú er upp á tal, at Sonni Ragnar Nattestad skiftir felag
 
15.02.2018 - 10:58

Føroyski landsliðsmiðverjin, Sonni Ragnar Nattestad, verður nú settur í samband við norska felagið Viking.

Í løtuni hevur 23 ára gamli miðvingurin sáttmála við Molde, sum í fjør endaði næstovast í bestu norsku deildini

Men í dag skrivar aftenposten.no, at tey hava keldur sum siga, at Viking er áhugað í at fáa føroyska spælaran.

Viking spældi í fjør í bestu norsku kappingini, Eliteserien, men endaði niðast og flutti tí niður í næstbestu deildina.

Vil ikki vátta tíðindini

Venjarin hjá Viking, Bjarne Berntsen vil tó ikki vátta tíðindini, tá Aftenposten spurdi hann, um teir royna at fáa føroyingin í sín hóp.

Molde keypti í desember 2016 Sonna Ragnar Nattestad frá íslendska FH, men stutt eftir fekk hann ein álvarsaman skaða í aðra hælsinuna.

Orsaka av skaðanum hevur spælitíðin hjá Sonna Ragnar Nattestad verið avmarkað í Molde, men hann er nú aftur klárur at spæla.

Sonni Ragnar Nattestad hevur fyrr eisini umboðað donsku feløgini FC Midtjylland, AC Horsens, Vejle og íslendska Fylkir.

Er kopiera
Nýggjastu sendingar í ÚV
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180