Fimm mánaðir fyri at smugla hash á Eystaru vág

Fimm mánaðir fyri at smugla hash á Eystaru vág
Tveir menn eru dømdir fyri hash, sum varð tveitt fyri borð á Havnarvág
Nógvir mátar verða brúktir til at smugla hash. Ein er at blaka tað á sjógv, so tað fer uttan um tolleftirlitið. Men tað lukkast ikki hvørja ferð.
 
02.10.2017 - 10:51

Tveir menn, sum búgva í Keypmannahavn, eru dømdir í Føroya rætti fyri at royna at smugla hash til Føroya op selja tað her.

Teir noktaðu seg sekar.

Men teir fingu ávikavist fimm mánaða og 60 daga fongsulsrevsing.

Royndirnar vórðu gjørdar í juni, juli og í september í ár.

Teir báðir komu úr Danmark við Norrønu. Hashið var í sodavatnsfløskum, sum blivu tveittar fyri borð í Havn og síðani tiknar upp aftur úr sjónum.

Annar maðurin er dømdur fyri smuglingina í juni og juli, og báðir fyri royndina í september. 

Í juni og í juli vórðu 35 gramm av hashi seld ella latin einum triðja fólki.

Minst hálvt kilo hvørja ferð

Í báðum førum var sambært ákæruvaldinum talan um ikki minni enn hálvt kilo av hashi. 

Tá Norrøna kom úr Danmark tíðliga mánamorgunin 4.september vóru báðir menninir við.

Mannagongdin var tann sama, tvær plastfløskur við hashi vórðu blakaðar á sjógv.

Men bæði tollarar og politistar fingu illgruna til menninir, og teir vórðu tiknir og varðhaldsfongslaðir. 

Hald er lagt á 567,1 gramm av hashi, sum politiið fann uppi á øðrum manninum og á eystaru vág.

Menninir, sum báðir eru føddir í 1981, eru eisini dømdir at rinda sakarkostnaðin.
 

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208