Broytingarnar í grindalógini sendar til hoyringar

Hetta er ein av nógvum broytingum í nýggju grindalógini, sum Høgni Hoydal, landsstýrismaður, hevur sent til hoyringar.

Eingin er dømdur fyri at bróta fráboðanarskylduna. Fráboðanarskyldan skal tó telja við sum herðandi umstøður, um dømast skal fyri onnur brot á grindalógina.

Døglingur verður fluttur úr grindalógini í lógina um hvalaveiðu. Døglingur verður framvegis friðaður.

Men lógin um hvalaveiðu sigur, at hvalur, sum svimur ella rekur upp á land er ogn hjá landinum, og tað verður døglingur so eisini, verður lógarbroytingin samtykt.