Gunnar Nielsen ávarar norðurírar

Gunnar Nielsen ávarar norðurírar
Gunnar Nielsen er sannførdur um, at Føroyar kunnu fáa stig í dystinum móti Norðurírlandi
Mynd: Belfast Telegraph  
 
08.10.2014 - 12:00

- Føroyski landsliðsmálverjin, Gunnar Nielsen, heldur, at Føroyar fáa stig á Winsdor Park í Belfast leygarkvøldið.

Í stóra blaðnum, Belfast Telegraph, sigur hann, at Norðurírland ofta fyrr hevur mist stig móti minni fótbóltstjóðum.

Í undankappingini til HM í Brasil fekk Norðurírland bara javnleik á heimavølli móti Aserbadjan og Luksemburg. Norðurírland tapti útidystirnar.

Gunnar Nielsen vísir eisini á, at Føroyar tvær ferðir hava fingið javnleik móti Norðurírlandi. 1-1 í Belfast í 1991 og 1-1 á Toftum í 2010.

Norðurírland góða byrjan

Norðurírsku fótbóltsfjeppararnir eru bjartskygdir undan dystinum móti Føroyum. Hendan undankappingin byrjaði sera væl hjá teimum, tí teir vunnu 2-1 á Ungarn í Budapest í fyrsta dystinum.

Gunnar Nielsen viðurkennir, at tað bendir á, at norðurírska liðið hevur dygdir.

Hann heldur, at føroyska liðið skal serliga ansa eftir Kyle Lafferty (Norwich) og Nial McGinn (Aberdeen).

Gunnar Nielsen viðurkennir, at nakað serligt skal til, um Føroyar skulu vinna á Norðurírlandi, men allir leikararnir hava júst tað endamálið við hesum dystinum.

Er kopiera
Nýggjastu sendingar í ÚV
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180