Játtanarkarmar til fyrstu viðgerð

<p>Í morgin verður greitt, hvat løgtingslimir halda um uppskotið hjá landsstýrinum, um hvussu nógvir pengar skulu brúkast til at reka samfelagið fyri næsta ár og komandi fýra árini.</p>

<p>Løgtingið hevur í morgin fyrstu viðgerð av uppskotinum um játtanarkarmar fyri 2015. Sambært uppskotinum til karmar verður hallið á fíggjarlógini komandi ár 196,7 milliónir krónur.</p>

<p><strong>SÍ EISINI <a href="http://kvf.fo/netvarp/sv/2014/03/31/140331figgjarkarmarmix">Video: Játtanarkarmarnir lagdir fram</a></strong></p>

<p>Sparingar - tað sum landsstýrið kallar útreiðslutiltøk - skulu gerast fyri 146 milliónir krónur. Hesar sparingar skulu finnast innan millum annað fólkaskúlan, heilsuøkið og í aðalráðunum.</p>

<p>So skal landið útvega sær fleiri eyka inntøkur - tað sum verður kallað inntøkutiltøk. Finnast skulu 200 milliónir krónur næsta ár, og hesir pengarnir skulu millum annað koma frá loyvisgjøldum í alivinnuni og tilfeingisgjøldum í fiskivinnuni.</p>

<p><strong>SÍ EISINI <a href="http://kvf.fo/netvarp/uv/2013/03/26/jttanarkarmar-fyri-nbyrjarar">Játtanarkarmar fyri nýbyrjarar</a></strong></p>

<p>Tingfundurin mánadagin byrjar klokkan hálvgum tvey seinnapartin. Játtanarkarmarnir eru einasta málið á dagsskránni hjá løgtinginum í morgin.</p>