- Tíðindi, mentan og ítróttur
158.000 arbeiðsleys í Danmark næsta ár
<p>Arbeiðsloysið í Danmark minkar ikki so nógv, sum stjórnin væntar, skrivar Ritzau. Næsta ár vera 158.000 fólk arbeiðsleys, og tað eru 6.000 fleiri enn væntað, stendur at lesa í fíggjarlógaruppskotinum, sum varð lagt fram í dag.</p><div><br></div><div>Hallið á fíggjarlógini minkar úr 73,5 milliardum krónum í ár, niður í 36,5 milliardir næsta ár. Tað eru 1,9 prosent av bruttotjóðarúrtøku landsins. Sostatt lýkur Danmark kravið frá ES, um at hallið á fíggjarlógini í mesta lagi má vera trý prosent av BTÚ.</div><div><br></div><div><b>Vøksturin 1,7 prosent</b></div><div><br></div><div>Stjórnin væntar, at búskaparvøksturin næsta ár verður 1,7 prosent. Í ár er hann mettur til 0,9 prosent. Sostatt er Danmark millum tey londini í Evropa, har vøksturin er størstur.</div><div><br></div><div>Bústaðarprísirnir fara at hækka hálvt triðja prosent, og roknað verður við, at privata nýtslan veksur 2,3 prosent. </div><div><br></div><div><b>7.000 arbeiðspláss</b></div><div><br></div><div>Stjórnin skjýtur upp at nýta 6,5 milliardir krónur yvir tvey ár at umvæla universitetini. Hetta átakið verður mett at geva 7.000 fólkum arbeiði. Tiltøk verða eisini sett í verk til tess at útvega ungfólki útbúgving og arbeiði, og tey verða mett at kosta 645 milliónir kr.</div><div><br></div><div>Kongshúsið fær 400.000 krónur afturat, og tað merkir, at Margretha drotning og hús hennara fáa tilsamans 97 milliónir kr. á fíggjarlógini til sín rakstur. </div><div><br></div>
