- Tíðindi, mentan og ítróttur
"Fríggjakvøld" av bakkastokki í annaðkvøld
<p>Í Vørðsluni hava tey í hesum døgum úr at
gera við at leggja seinastu hond á fyrreikingarnar til nýggju tíðindasendignina,
sum verður send í sjónvarpinum hvørt fríggjakvøld í summar.</p>
<p>Sendingin eitur stutt sagt
Fríggjakvøld.</p>
<p>Umframt innsløg og reportasjur ymsa staðni úr landinum
verður kjak ein fastur táttur í sendingini, sum varir í umleið 40
minuttir.</p>
<p>Í fyrstu sendingini, sum kemur í
annaðkvøld, verður millum annað hugt nærri at kostnaðarendurgjaldinum hjá
landsstýrisfólkunum. Í sendingini verður eisini reportasja frá pisufundinum í
Viðarlundini í Havn.</p>
<p>Við kjakborðið fara Sigurd í Jákupsstovu,
rektari á Fróðskaparsetrinum, og Christian Nagata, stjóri í Nema, at kjakast um,
at alsamt fleiri ung fara av landinum at lesa, og hvønn týdning hetta hevur fyri
føroyska samfelagið.</p>
<p>Vertir eru Finnur Koba og Eydna Skaale.
Kaj Joensen er live-reportari.</p>
<p><br></p>