- Tíðindi, mentan og ítróttur
TB vann á nýggjum vølli
Á nýggja vøllinum við Stórá í Trongisvági megnaði TB at vinna á ÍF. Einasta málið í dystinum kom longu eftir fýra minuttir í sambandi við eitt hornaspark. Tað var verjuleikarin, Dimitri Jankovic, ið skeyt málið. <div><br></div><div>ÍF hevði bóltin meira, meðan TB dúvaði upp á mótálop. Bæði liðini høvdu nógvar stórar málmøguleikar, men hóast tað og stórt trýst frá ÍF í seinna hálvleiki, endaði dysturin 1-0 til tvørámenn. <br> <br>Víkingur styrktu um sína støðu í oddinum við einum 4-0 sigri á FC Suðuroy. Víkingur stýrdi dystinum, hóast FC Suðuroy hevði onkran stóran málmøguleika eftir skjótálop í fyrra hálvleiki. </div><div><br></div><div>Øll málini fullu í seinna hálvleiki. Hanus Jacobsen, Sølvi Vatnhamar, Joseph Bassene og Hjartvard Hansen vóru málskjúttararnir. Víkingur er ósigrað, meðan FC Suðuroy enn ikki hevur fingið nakað mál í Effo-deildini. <br> <br>EB/Streymur og HB fingu eitt stig hvør í einum undirhaldandi og væleiktum dysti við Margáir. HB legði seg á odda tvær ferðir eftir vælgjøgnumspæld álop. Símun Samuelsen og Andrew av Fløtum skutu málini. </div><div><br></div><div>Hjá EB/Streymi vóru tað Hans Pauli Samuelsen og Levi Hanssen, ið vóru málskjúttar. Bæði liðini kempaðu fyri sigrinum, og tá tveir minuttir vóru eftir av dystinum, fekk heimaliðið brotsspark. Liðformaðurin, Egil á Bø, skeyt tó á stongina, og tískil endaði dysturin 2-2.<br> <br>Toftamenn fóru av stað við øllum trimum stigunum, tá teir vóru á vitjan hjá B36. Fyrri hálvleikur var vánaligur, men Ndende fekk tó lagt B68 á odda við stútara, tá 25 minuttir vóru spældir. </div><div><br></div><div>Í seinna hálvleiki var spælið betri. Róaldur Jacobsen javnaði fyri B36 eftir 70 minuttir. Í seinastu minuttunum fekk B68 avgerðandi málið. Christian Høgni Jacobsen gjørdist púra leysur eftir eitt mistak í B36-verjuni, og so var mál. Toftamenn eru av álvara komnir fyri seg eftir eina torføra byrjan, meðan føroyameistararnir taptu fyri fyrstu ferð í ár. <br> <br>Ein dystur var í gjár, har Kí vann 3-2 á NSÍ, eftir at runavíkingar høvdu verið á odda bæði 0-1 og 1-2. <br> <br>Støðan í Effo-deildini: <br>Víkingur 16<br>HB 12<br>B36 10<br>ÍF 10<br>EB/Streymur 9<br>B68 9<br>KÍ 6<br>TB 5<br>NSÍ 4<br>FC Suðuroy 1<br>Kelda: faroesoccer.com<br> <br>Komandi umfar: </div><div>Fríggjakvøldið 04.05: </div><div>NSÍ - Víkingur</div><div><br></div><div>Leygardagin 05.05: <br>HB - B36<br>FC Suðuroy - TB<br>ÍF - EB/Streymur <br>B68 - Kí</div>
