Víkingur aftur oddalið

Trý oddalið vóru undan dagsins umfari í Effo-deildini, men bara Víkingur megnaði at vinna sín dyst, og harvið er liðið aftur einsamalt á odda

VÃkingur er oddaliÃ° Ã Effodeildini

21.04.2012 - 18:17

<p>Toppdystur var í Fuglafirði í dag, har tvey av oddaliðunum, ÍF og Víkingur, hittust. Víkingur vann dystin 2-1. Joseph Bassene og Hjartvard Hansen skoraðu málini hjá Víkingi, meðan Høgni Zachariassen skeyt málið hjá ÍF. </p><p>Í Gundadali var Leif Niclasen dagsins maður hjá EB/Streymi, tí hann skoraði bæði málini hjá sundalagsmonnum. Jonas Flindt Rasmussen minkaði um munin fyri B36. </p><p>Hetta hevur við sær, at Víkingur nú liggur á odda í deildini við 13 stigum. HB er nummar tvey við 11 stigum, meðan ÍF og B36 verða standandi á 10 stigum.</p><div><div><br></div><div>Í Vági vann B68 1-0 móti FC Suðuroy við máli, sum Christian Høgni Jacobsen skoraði, tá ein góður tími var spældur. Í Runavík vann HB 4-2 móti NSÍ aftan á at hava verið aftan fyri 2-0 í hálvleikinum. HB brendi tvey brotsspark, men megnaði kortini at koma afturíaftur og vann dystin við tveimum málum. </div><div><br></div><div>Seinasti dysturin í fimta umfari varð spældur í Klaksvík millum KÍ og TB. Tann dysturin endaði við málleysum javnleiki. </div></div>