Tráin fekk eitt kanón val

- Tað kennist heilt fantastiskt, sigur ein takksamur og errin Tráin Nónklett, sum í kvøld gjørdist unga valevnið, ið fekk flest atkvøður.

Hóast hann ikki varð valdur inn, er hann stak væl nøgdur við fyrstu royndina at stilla upp til val. 

Tað er heldur eingin loyna, at Tráin hevur havt nógv ung aftrat sær, sum hava hjálpt honum við valstríðnum.

- Haldi, at tað hevur gingist væl, tí nógv fólk hava tikið undir við mínum boðskapi, umframt at eg og mítt valtoymi hava ført eina kreativa kampanju.

- Í kvøld fari eg at hátíðarhalda valið og drekka meg fullan saman við vinfólki, har vit eisini fara at fylgja við amerikanska forsetavalinum, sigur Tráin Nónklett at enda.