Vís mær títt lestrarlív - Katrin Dalsgaard Nolsøe, Týskland

Röddin setur í løtuni fokus á lestrarlívið, nú tíðin nærkast, har freistirnar til at søkja inn á skúlar eru av. Fylgið við á heimasíðuni komandi tíðina, har vit fara í dýpdina við ymiskum lestrarbýum og útbúgvingum.

 

Hesin tátturin snýr seg um at seta myndir á ymsu lestrarbýirnar, so tað verður lættari fyri teg at ímynda tær lestrarlívið.

 

 

Katrin Dalsgaard Nolsøe – Berlin, Týskland

 

Persónurin, sum hesa ferð vísir okkum sítt lestrarlív, er 24 ára gamla Katrin Dalsgaard Nolsøe, sum lesur í Berlin í Týsklandi.

 

Katrin lesur Sozialwissenschaften (sosiologi og politikvísíndi) og fer í gongd við sína 6. síðstu lestrarhálvu í apríl. Katrin lesur á Humboldt Universität í Berlin.

 

Les meira um Humboldt Universität her og um útbúgvingina hjá Katrini her.

 

3 ráð frá Katrini

 

1. Tað er týdningarmikið at læra málið væl, áðrenn farið verður undir lesnaðin. Sjálvt um eg hevði búð í Berlin næstan eitt heilt ár, áðrenn eg byrjaði á universitetinum, tók tað tíð at venja seg við tað akademiska málið. Men tær nýtist ikki at missa mótið, tí tað eru sera nógvir útlendingar á universitetinum, so tað verður tikið atlit til, at málsligu førleikarnir ikki eru “í topp”.

Studni er eisini ein góð hjálp, tí tú kanst fáa stuðul til málslig fyrireikingarskeið (sí meira her)

 

2. Byrja í góðari tíð at fáa øll tey neyðugu pappírini í rætt lag, tí á hesum økinum eru týskarir sera nágreiniligir. Sum útlendingur skalt tú søkja inn gjøgnum uni-assist, og hetta kann vera ein sera drúgv mannagongd (www.uni-assist.de) .

 

3. Tað er smart at hava eitt fyribils stað at búgva teir fyrstu dagarnar, tí tað er sera torført at finna eina íbúð, tá tú ikki ert á staðnum. Tað vanligasta er at búgva í einari WG (Wohngemeinschaft), har tú hevur eitt kamar í einari íbúð, sum tú deilir saman við øðrum. Her er eisini gott at vera í hampuliga góðari tíð, men oftast verða kømur bara sett til leigu online stutt áðrenn innflytingartíðina. Her kanst tú t.d. finna eitt kamar her.

 

Röddin hevur biðið Katrina um at taka myndir av sínum skúla, undirvísingarhøli, kantinu og bústaði.

 

 

Skúlin

 

Høvuðsbygningurin á skúlanum

 

Instituttið hjá Katrini er á niðastu hædd handan stóru vindeyguni

 

Beint hinumegin tokbanan er bókasavnið

 

Bókasavnið

 

 

Undirvísingarhøli

 

Undirvísingarhøli

 

Lesisalur

 

 

Kantinan

 

 

Heima

 

Gøtan, sum Katrin býr á

 

Stovan hjá Katrini, sum hon deilir við trý onnur

 

 

Röddin ynskir Katrini góða eydnu við útbúgvingini