Gilli skorar til 1-0 fyri Aab

Tvøramaðurin Gilli Sørensen legði Aab á odda 1-0 í vinadystinum í dag móti AC Horsens. Longu í 11. minutti setti Gilli bóltin í málið.

Dysturin varð spældur klokkan 13 føroyska tíð í dag. Bæði Gilli og Hallur Hansson byrjaðu inni í dag, og báðir spældu ein góðan dyst.

Aab-fjepparar eru sera væl nøgdir við føroyska Gilla, og hetta varð í dag skrivað um hann á eini fjepparasíðu hjá teimum:

- Færøsk træningskegle ophøjet til verdensmester efter 12 min. i en træningskamp! Debatsiden forlanger øjeblikkelig forlængelse med stor-talentet!

Hyggur mann eftir øðrum viðmerkingum á Facebook-síðu teirra sæst, at hann verður róstur nógv, og fólk siga, at hann skal nokk blíva góður, meðan onnur supplera við, at hann longu er góður.

Aab vann dystin 2-0, og annað málið skoraði Lukas Spalvis.