Føroyar – Portugal: Lærarar í Hoydølum tippa

Rannvá Holm

Rannvá undirvísir í týskum og religión.

Tippar: 0-5 til Portugal.

Rannvá væntar eitt stórtap til føroyska landsliðið.  

- Er hasin har Ronaldo ikki nokk so góður?! ;-)

Bjørn Krog

Bjørn undirvísir í søgu og ítrótti.

Tippar: 1-1.

- Næst seinasti dystur endaði við málleysum javnleiki móti Ungarn. Hetta var kanska tann best spældi dysturin hjá føroyska landsliðnum nakrantíð. Eg vænti og vóni eitt líka gott avrik ímóti Portugal. Harafturat kunnu vit vænta, at europameistararnir úr Portugal undirmeta Føroyar, og tað er ein fyrimunur hjá okkum. 
 

Birgit Remmel

Birgit undirvísir í týskum, sponskum og latín.

Tippar: 1-2 til Portugal.

Hóast Portugal eru europameistarar og stórfavorittar til dystin, so væntar Birgit ikki, at portugisarnir fáa nakra lætta uppgávu.

- Eg haldi, at Portugal hava lyndi at undirmeta smáar tjóðir sum Føroyar, og tí vænti eg ikki, at teir fara at vera mentalt “on” ímóti Føroyum.
Tá føroyingar spæla, geva teir seg altíð 100%. Tað gera portugisar ikki móti smáum tjóðum sum Føroyar, og tað er har, vit hava ein stóran fyrimun. Hetta skulu vit royna at gagnnýta okkum 100% av.

Sámal Soll

Sámal undirvísir í enskum.

Tippar: 2-1 til Føroyar.

- Eg vænti, at Føroyar vinna dystin, hóast eg má viðganga, at eg veit abso-babso-lutt einki um fótbólt. Men eitt kann eg tó reypa mær av; eg vann eina Facebook-kapping hjá Okkara um at tippa rætta úrslit til HM ’16. Eg tippaði rætt í einum dysti hjá Íslandi og vann 10 øl. Fyrsta og einasta Facebook-kapping, eg havi vunnið. So mítt vinnaraprinsipp, tá tað kemur til at tippa, er altíð at tippa tað úrslitið, sum tú sjálvur vilt hava heldur enn tað, sum tú heldur er fornuftigast. Tí tippi eg 2-1 til Føroyar.