Bank Nordik kann ikki viðmerkja illgrunan um hvítvasking

bannari
23.11.2021 - 09:24
Innlendis
Bank Nordik kann ikki viðmerkja illgrunan um hvítvasking
Kongolesiska heilsølan EGAL flutti føroyska flutningsfelagnum All Oceans Logistics pengar í stríðum streymi árini frá 2013 til 2016.

Loyniskjøl úr einum afrikanskum banka vísa, at heilsølan fekk eina trivaliga og ólógliga pengainnspræning úr tjóðbankanum í Kongo.

Oddafólkini í EGAL sótu væl um sátt við táverandi forsetan í Kongo.

Alain Wan, sum var varastjóri í EGAL, stovnaði All Oceans Logistics í Føroyum.

Systir forsetan var partaeigari í BGFI-bankanum, har EGAL hevði konto. Fosturbróðir forsetan, Francis Selemani, var stjóri í BGFI-bankanum, og Albert Yuma var nevndarlimur í tjóðbankanum og nevndarformaður í EGAL.

Bank Nordik hevur onga viðmerking

Bank Nordik vil ikki viðmerkja tað, sum er komið fram.

Sum peningastovnur er Bank Nordik fevndur av hvítvasklógini.

Og bankin hevur tagnarskyldu og kann ikki úttala seg um einstøk mál.

Árni Ellefsen, stjóri í Bank Nordik, skrivar í teldubrævi, at Bank Nordik hevur skyldu at kanna øll óvanlig flytingarmynstur í bankanum.

Og bankin hevur eisini skyldu at boða SØIK frá, um nakað illgrunasamt kemur fram.

Bara í fjør vóru 176 mál fráboðað SØIK.
 

 
Er kopiera

Tak niður

Nýggjastu sendingar í ÚV
Fríggjadag 14. mars
RagnarRokk: Simon Michael um Post Mortem
189180
Fríggjadag 14. mars
Breddin: Grønlendsk valbumba
189178
Fríggjadag 14. mars
Morgunlestur fríggjadagur 14. mars 2025
188901
Hósdag 13. mars
RagnarRokk 13.mars 2024
187290
Nýggjastu sendingar í SV
Fríggjadag 14. mars
Dagur og vika - teknmálstulkað
189208
Hósdag 13. mars
Always Outnumbered, Never Outgunned
189170
Mikudag 12. mars
Hondbóltur: Føroyar - Holland
189119
Mikudag 12. mars
Dagur og vika - teknmálstulkað
189087
Týsdag 11. mars
Veðrið
189035