Umstøðurnar ov vánaligar

Vágaskot í Miðvági hevur eina høll til innandura bogaskjóting.

Hini bæði feløgini í landinum, Tambar í Havn og Ørvur í Runavík, hava ikki nøktandi venjingarumstøður.

 - Innandura bogaskjótingin hevur tað hampiliga gott, sæð burturfrá at umstøðurnar hjá hinum báðum feløgunum eru ikki optimalar, sigur Eggaba Andreasen úr Vágaskoti og formaður í Bogaskjótisambandi Føroya. 

 - Í Runavík vita teir ikki, um teir eru keyptir ella seldir, og í Havn eru teir í einum høli, sum teir læna frá MEST.

Sæst aftur á limatalinum

Vánaligu umstøðurnar síggjast aftur í gerandisdegnum úti í feløgunum.

Í Ørvi er talið av virknum limum minkað seinastu árini.

 - Her vesturi hava tey eina góða framgongd. Her eru nógvir skjúttar, tað sær spennandi út, og tað er stuttligt at møta upp hjá teimum, sigur Jóannes Poulsen úr Ørvi.

 - Hini bæði feløgini hava tað torført. Hetta er partvís tí tey mangla venjarar, men serliga tí at tey mangla eitt stað at vera.