Føroyskir myndugleikar eru eftirbátar, tá tað snýr seg um prepping

Eigur tú mat, vatn og aðrar neyðsynjarvørur inni til í minsta lagi tríggjar dagar? 

Gert tú tað, fylgir tú tilmælinum hjá danska Beredsskabsstyrelsen um, hvussu tú skal fyrireika teg upp á eina kreppu.

Prepping, sum hugtakið eitur, og sum kemur av enska orðinum prepare, ið merkir at fyrireika, er kent aðrastaðni, og millum annað skandinavisku londini hava almenn tilmæli um, hvussu nógv tú skal preppa.

Tað kann snúgva seg um kríggj, men tað kann eisini vera ódnarveður, vanlukkur og annað, sum ger, at vanligu samfelagstænasturnar gerast óvirknar í óásetta tíð.

Nakað av tí, sum mælt verður til at eiga inni, er vatn, haldførar matvørur, heilivágur og fyrstahjálp, sápa og annað til egið reinføri, umframt aðrar praktiskar lutir, so sum svávulpinnar, lummalykt, battaríir, heit teppir og reiðan pening.

Danska Beredsskabsstyrelsen mælir til, at fólk eiga hetta inni til í minsta lagi trý samdøgur, men bæði í Noregi og Svøríki er tilmælið sjey dagar.

Hoyr alt innslagið um prepping, sum var í tíðindunum á nátturða í kvøld, fríggjakvøld.