U18-landsliðini í sandflogbólti smasja í Onglandi

Maria Teresa Vitalis, Osla Johannesen, Hákun Nón og Rani Ákason manna fyrstu føroysku flogbóltsliðini, sum spæla skrásettar dystir í sandflogbólti.

Tey skulu spæla CEV-NEVZA kapping fyri U18 landslið í Bridlington á ensku eysturstrondini. Kappingin er ein fyrireiking til evropameistarakappingina, sum verður í Georgia í døgunum frá 10. - 13. juli.

Føroysk flogbóltslið spældu sandflogbólt á Oyggjaleikunum í 2013 og 2015 á Bermuda og Jersey, men hesir dystir eru ikki skrásettir í CEV-høpi.

Høvuðsvenjari hjá liðunum er Oleksandr Dmytriiev og hjálparvenjari er Boban Ilic. Ferðaleiðari er Lena í Buð.

Innleiðandi bólkaspælið:

U18 Gentur - Maria Teresa Vitalis og Osla Johannesen:

Týsdagin 25. juni

Kl. 09.50: Vitalis og Johannesen (Føroyar) - Jagielska og Quinn (Ongland)
Kl. 13.10: Vitalis og Johannesen (Føroyar) - Tchandeu og Ngatcha (Ongland)
Kl. 16.30: Skjåld og Våge (Norra) - Vitalis og Johannesen (Føroyar)

Mikudagin 26. juni

Kl. 11.30: Jarmon og Levich (Ongland) - Vitalis og Johannesen (Føroyar)
Kl. 14.50: Pétursdóttir og Krístiánsdóttir (Ísland) - Vitalis og Johannesen (Føroyar)

U18 Dreingir - Rani Ákason og Hákun Nón:

Týsdagin 25. juni

Kl. 12.20: Ákason og Nón (Føroyar) - Harðarson og Hákunarson (Ísland)
Kl. 15.40: Harsum og Buntom (Ongland) - Ákason og Nón (Føroyar)

Mikudagin 26 juni

Kl. 09.00: Maghur og Robinson (Ongland) - Ákason og Nón (Føroyar)
Kl. 13.10: Caesar og Gillies (Skotland) - Ákason og Nón (Føroyar)
Kl. 16.30: Ákason og Nón (Føroyar) - Makowski og Cosgrove (Ongland)

Nummar 1 og 2 í hvørjum bólki fara víðari til hálvfinalur, ímeðan hini liðini leika plaseringsdystir.