Limir í senatinum játtað sær 170 prosent í lønarhækking

Limir í senatinum játtað sær 170 prosent í lønarhækking
Limirnir í senatinum í Argentina hava játtað sær sjálvum 170 prosent í lønarhækking. Hetta hevur elvt til mikla øsing.
 
21.04.2024 - 10:18

Tað hevur elvt til mikla øsing í Argentina, nú limirnir í Senatinum hava játtað sær sjálvum 170 prosent í lønarhækking.

Í Argentina liva seks av hvørjum 10 íbúgvum í fátækradømi, og búskaparstøðan í landinum er út av lagi vánalig. 

Men hjá limunum í senatinum tók tað bara tveir minuttir at samtykkja málið um hækkingina, sum tryggjar teimum tað, sum svarar til 20 ferðir minstulønina í landinum.

Tíðindastovan AFP endurgevur Gabrielu Quiroga, sum rekur klæknahandil í Buenos Aires, sum sigur, at hon heldur lønarhækkingin er púra burturvið. 

- Tað er als ikki í samsvar við tað, sum stendur fólkinum í landinum í boði. 

Quiroga leggur aftrat, at handlarnir selja nærum einki, og alsamt fleiri noyðast at sova á gøtuni.

Parlamentslimirnir, sum stuðla Javier Milei, forseta, atkøvddu ímóti lønarhækkingini, men tað, at teir vóru í tingsalinum, ruddaði slóð fyri, at uppskotið kundi samtykkjast.

Teir bóðu heldur ikki um, at avgjørdur meiriluti skuldi til fyri at málið kundi samtykkjast, sum er vanlig mannagongd í umstríddum málum.

53 ára gamli forsetin lovaði undir valstríðnum í fjør at skerja almennu útreiðslurnar so nógv sum til ber. 

Stjórnin hjá Milei hevur tikið fleiri stig fyri at endurreisa búskapin í landinum, og tað merkir fólkið. 

M.a. er stuðulsskipanin til brennievni og flutning strikað, og túsundtals fólk hava mist arbeiðið.

Tað er samstundis vorðið tríggjar ferðir dýrari at koyra við bussi, og felagsskapir, sum býta út matvørur til fátæk, fáa ikki longur almennan stuðul.
 

Er kopiera
Nýggjastu sendingar í ÚV
Fríggjadag 21. februar
Morgunlestur fríggjadagur 21.februar 2025
186661
Hósdag 20. februar
RagnarRokk 20.februar 2025
186601
Hósdag 20. februar
RagnarRokk:Anna "Ace" Brunner um Galvanize
186596
Hósdag 20. februar
Leitisstein 18.02.2025
188081
Nýggjastu sendingar í SV
Fríggjadag 21. februar
Dagur og vika - teknmálstulkað
188097
Mikudag 19. februar
Dagur og vika - teknmálstulkað
187990
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829