Útselt til landsdystirnar um vikuskiftið

Stórur áhugi er fyri hondbóltslandsdystunum, sum verða spælir í vikuskiftinum. 

Manslandsliðið skal spæla tríggjar HM-undankappingardystir í Høllini á Hálsi.

Avmarkaða talið av atgongumerkjum, 400, sum vóru sett til sølu tíðliga í desember eru galdandi.

Koronuavmarkingar hava við sær, at fleiri atgongumerki ikki verða seld.

Elias ikki við fríggjakvøldið

Landsliðsvenjararnir hava úttikið sekstan spælarar til fyrsta dystin ímóti Luksemborg fríggjakvøldið.

Hvørki Elias á Skipagøtu ella Kjartan Johansen verða við.

Teir eru báðir darvaðir av skaða.

Landsliðsvenjararnir kunnu skifta tveir spælarar út í hópinum millum dystirnar.

Leygarkvøldið spæla Føroyar ímóti Italia, og sunnukvøldið er mótstøðuliðið Lettland.

Sambært HSF.fo, so vera tað hesir 16, sum skulu spæla fyrsta dystin móti Luksemburg:

Málverjar: 
Nicholas Satchwell, KA (ÍSL)
Pauli Jacobsen, H71

Vinstru vengur:
Sjúrður Olsen, Tønder (DAN)
Rói Berg Hansen, HØJ (DAN)

Høgru vengur: 
Hákun West av Teigum, Skanderborg-Århus (DAN)
Nicklas Bertram Selvig, KÍF

Strikur:
Helgi Hildarson Hoydal, Viking Stavanger (NOR)
Teis Horn Rasmussen, Tønder (DEN)
Rókur Akralíð, HC Odense (DEN)

Bakkar: 
Jónas Gunnarson Djurhuus, Viking Stavanger (NOR)
Tróndur Mikkelsen, Viking Stavanger (NOR)
Vilhelm Poulsen, Fram (ÍSL)
Áki Egilsnes, EHV AUE (TÝS)
Pauli Mittún, H71
Peter Krogh, H71
Filip Jojic, VÍF