Drotningavitjanin verður ikki avlýst

Drotningavitjanin verður ikki avlýst
Ein kanning, sum spyr.fo gjørdi fyri Kringvarpið, vísti, at 40 prosent av føroyingum halda, at drotningavitjanin eigur at útsetast. Men løgmansskrivstovan avlýsir ikki
 
13.07.2021 - 16:54

Margreta drotning kemur til Føroya í annaðkvøld.

Tað váttar løgmansskrivstovan.

Nógv kjak hevur stungið seg upp um drotningavitjanina, tí smittutølini í Føroyum hava verið vaksandi, og onnur tiltøk, ið savna nógv fólk, eru avlýst seinastu dagarnar.

Eitt nú eru øll tiltøk, ið skuldu vera í Reinsarínum hesa vikuna, avlýst. Vestanstevnan, sum skuldi vera komandi vikuskifti, er eisini avlýst eftir tilmælum frá heilsumyndugleikunum.

 

Skráin verður tillagað

Drotningavitjanin verður ikki avlýst, men skráin verður tillagað nakað - eisini tí at kongaskipið Dannebrog fekk maskinskaða sunnudagin, og ikki verður við á ferðini.

Men hóast onnur tiltøk verða avlýst, so sigur løgmansskrivstovan í skrivligum boðum, at heilsufakligu myndugleikarnir siga, at tað er í lagi at skipa fyri vitjanini, hóast onnur tiltøk verða avlýst.

 

Løgmaður vil ikki tosa um drotningina                  

Vit hava roynt at fingið eina viðmerking frá løgmanni, men Bárður á Steig Nielsen vil ikki gera samrøðu við útvarpið um drotningavitjanina.

Ein kanning sum spyr.fo gjørdi fyri Kringvarpið fríggjadagin vísti, at 40 prosent av føroyingum halda, at drotningavitjanin skal vera sum ætlað, meðan onnur 40 prosent halda, at drotningavitjanin eigur at útsetast.

20 prosent søgdu seg ikki vita.

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243