Gott ár hjá Atlantic Airways

Gott ár hjá Atlantic Airways
Avlopið hjá Atlantic Airways eftir skatt var í fjør næstan 13 milliónir størri enn í 2017
 
12.04.2019 - 07:41

2018 var eitt gott ár hjá Atlantic Airways. Felagið hevði 16,2 milliónir krónur í avlopi eftir skatt, upplýsir felagið í tíðindaskrivi eftir aðalfundin, sum var í gjár.

Tað er munandi betri enn árið fyri, tá avlopið var 3,3 milliónir krónur. Orsøkin til framgongdina var stórur vøkstur í ferðafólkunum til og úr Føroyum og økt leiguflúgving.

308.000 ferðafólk flugu á rutunum hjá Atlantic Airways í fjør, og tað var met, upplýsir felagið í tíðindaskrivinum eftir aðalfundin.

Øll nevndin afturvald

Tvey nýggj flogfør eru á veg í flotan hjá Atlantic Airways. Tað fyrra flogfarið kemur í juni í ár, og tað seinna flogfarið kemur í apríl í 2020.

Byggingin av nýggja Hilton Garden Inn Faroe Islands hotellinum á Staravegnum í Havn gongur sum ætlað og letur væntandi upp á sumri 2020. Nýggja hotellið verður eitt fýrastjørnað hotell við 130 kømurum, ráðstevnu- og fundarhølum og matstovu.

Øll nevndin varð afturvald á aðalfundinum í dag, og Niels Mortensen heldur fram sum nevndarformaður. Nýggj starvsfólkaumboð eru Jens Eystein í Løðu og Jóhan Vágadal.

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243