Beinleiðis til Amsterdam komandi summar

Beinleiðis til Amsterdam komandi summar
Atlantic Airways váttar nú, at ætlanin er at flúgva til Amsterdam næsta summar.
 
12.10.2018 - 09:18

Miðilin Check-In skrivar, at Atlantic Airways fer at flúgva til Amsterdam frá juni næsta ár.

Keldur hjá Miðlahúsinum høvdu hesi tíðindi mikudagin, men in.fo fekk tey ikki váttað.

Nú sigur Pætur Rasmussen hjá Atlantic Airways við Check-In.dk, at felagið arbeiðir við einari ætan um at flúgva til Amsterdam næsta summar, men tað veldst um Atlantic Airways fær loyvi til at seta seg har.  

Altjóða flogsamgongan IATA hevur fund í Madrid 13. til 16.november. 

Tá fæst at vita, um Atlantic Airways kann flúgva til Amsterdam Schiphol Airport.

Í summar boðaði Atlantic Airways frá samstarvi við Air France-KLM.

KLM er niðurlendska flogfelagið.

Tá segði Anita Wagner Feddersen, sum umboðar Air France-KLM í Danmark, við Check-In.dk, at tey vilja gera tað lættari hjá teimum, sum vilja flúgva til Føroya.

Og lættari verður tað, um Atlantic Airways fer at flúgva til Amsterdam.

Sum skilst ætlar Atlantic Airways at flúgva tríggjar ferðir um vikuna til Amsterdam.

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243