Tveir persónar handtiknir í sambandi við yvirgang

Tveir persónar handtiknir í sambandi við yvirgang
Løgreglan í Keypmannahavn og danska fregnartænastan, PET, hava í dag handtikið og skuldsett tveir menn fyri at hava viðvirkað til yvirgang í útlandi
 
26.09.2018 - 12:05

Tað upplýsir løgreglan í Keypmannahavn í tíðindaskrivi.

- Málið snýr seg um, hvørjar lutir persónarnir hava keypt - m.a. dronur, í Danmark og sum eru sendir til islamska yvirgangsfelagsskapin, IS, í Sýria og Irak, - lutir, sum skuldu brúkast í álopum, skrivar løgreglan.

Víðari stendur í tíðindaskrivinum, at fleiri húsarannsóknir hava verið í Keypmannahavn í sambandi við málið, og málið hevur verið kannað leingi, áðrenn persónarnr vórðu handtiknir í morgun.

Yvirgangsparagrafin

Persónarnir eru skuldsettir eftir sonevndu yvirgangs-paragrafini, - sum er grein 144 stykki 1, nummar 1, í donsku revsilógini. 

Har stendur, at handilingar, eitt nú dráp, drápsroynd, harðskapur, álvarslig eldáseting og frælsistøka skulu roknast sum yvirgangur, m.a. um ætlanin er av álvara at loypa ræðslu á fólk.

Persónarnir verða grundlógaravhoyrdir fyrrapartin í morgin. 

Ákæruvaldið fer at biðja um afturlatnar hurðar, upplýsir løgreglan í Keypmannahavn, tí kanningar verða framvegis gjørdar í málinum, skrivar Ritzau.

"Kallið til Islam"

Sambært DR er alan um tveir 29 ára gamlar menn, sum búgva í norð-vest-økinum í Keypmannahavn, og báðir hoyra til víðgongda islamistiska umhvørvið í Danmark.

DR skrivar, at annars maðurin hevur verið við í salafistiska bólkinum: "Kallið til Islam". 

Løgreglan hevur fyrr avhoyrt báðar menninar í sambandi við onnur mál um sýria-krígsmenn.

DR sigur tó ikki, hvagani tey hava fingið upplýsingarnar. 

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208