Sendistovan hjá PLO í USA stongd

Sendistovan hjá PLO í USA stongd
Amerikanska stjórnin hevur avgjørt at stongja sendistovuna hjá palestinska frælsisfelagsskapinum, PLO, í Washington. 
 
11.09.2018 - 16:15

Talskvinnan fyri amerikanska innanríkisráðið sigur, at PLO hevur ikki víst vilja til at fara undir friðartingingar við Ísrael. Hinvegin hevur leiðslan í PLO fordømt amerikonsku friðarætlanina, hóast palestinar ikki hava sæð hana. 

Leiðarin fyri PLO sigur, at at hetta er hættislig gongd, og at stjórnin hjá Donaldi Trump vil revsa palestinska fólkið.

Sambandi millum USA og Palestina er versnað, eftir at amerikanska stjórnin viðurkendi Jerusalem sum høvuðsstað í Ísrael. 

Fyri stuttum avgjørdi stjórnin hjá Trump at strika árliga menningarstuðulin til Palestina og at taka seg úr altjóða flóttafólkastovninum hjá ST í Palestina. 

Palestinskir myndugleikar leggja nú trýst á altjóða dómstólin í Haag og vilja hava hann at kanna, um Ísrael hevur framt krígsbrotsverk. 

Sao Erekat, forstjóri í PLO, sigur, at felagsskapurin heldur, at stongda sendistovan hjá PLO í Washington vísir, hvussu langt USA vil fara fyri at verja brotsverk hjá Ísrael. 

Rættindini hjá palestinska fólkinum eru tó ikki søluvøra, hevur Erekat sagt við týska blaðið Deutsche Welle. 

Amerikanska uttanríkisráðið ávaraði í fjør PLO um, at sambært amerikanskari lóg er heimild at stongja sendistovuna, um palestinsku myndugleikarnir halda fram við at leggja trýst á altjóða dómstólin í Haag.

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243