Ákærdur fyri at hava barnaporno í varðveitslu

Ákærdur fyri at hava barnaporno í varðveitslu
Ein maður, fyrst í 30'unum, er ákærdur fyri at hava í varðveitslu og senda víðari barnapornografiskt tilfar
 
31.10.2017 - 13:09

Føroya Rættur fer í november viðgera eitt mál um barnapornografiskt tilfar, - talan er um meira enn 400 myndir og 30 sjónbond.

Løgreglan fekk fráboðan frá National Cybercrime Center um, at ein føroysk IP-adressa hevði móttikið úr Eysturríki, og at hava víðarsent barnapornografiskt tilfar.

Málið hevur verið kannað síðani oktober 2014. Løgreglan gjørdi húsarannsókn heima hjá manninum, og legði hald á teldu, og har vóru bæði myndir og sjónbond.

Tríggjar katogoriir:

Í rættarligum høpi er barnaporno býtt upp í tríggjar kategoriir. 

Fyrsta kategoriin snýr seg um myndir av naknum børnum, har barnið er einsamalt á myndini og eingin kynslig handling er.
Í hesi kategoriini hevði ákærdi maðurin 208 myndir og eitt sjónband.

Onnur kategoriin snýr seg um filmsbrot við kynsligum aktiviteti, har ein ella fleiri persónar hava samlegu ella annað kynsligt samband við eitt barn. Her hevur ákærdi 153 myndir og 33 sjónbond.

Triðja og grovasta kategoriin eru filmsbrot ella myndir, har barnið verður neyðtikið og verður sýnt fram at verða í lívsvanda, at børn hava kynsligt samband við djór og at kynsligi aktiviteturin fevnir um børn millum 0 og 3 ár. 

Í hesi katogoriini hevði maðurin 16 myndir.

Upp í 6 ára fongsul

Føroya Rættur hevur sett av tveir dagar til at viðgerða málið. 

Maðurin kann verða dømdur upp í tvey ár, og undir serliga skerpaðum umstøðum upp í 6 ára fongsul. "Serliga skerpandi umstøður" er, tá vandi er fyri lívinum hjá barninum, har ið grovur harðskapur verður nýttur, har barnið fær álvarsaman skaða, ella umstøður, har ið talan er um regluliga ella skipaða útbreiðslu.
 

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208