Atlantic Airways triðbesta evropeiska flogfelag

Atlantic Airways triðbesta evropeiska flogfelag
Atlantic Airways varð kosið triðbesta evropeiska flogfelag á Danish Travel Awards fyrr í vikuni.
 
07.10.2017 - 10:44

Atlantic Airways er triðbesta evropeiska flogfelagið, tað heldur danska ferðavinnan.

Fyrr í vikuni skipaði danska ferðavinnan fyri árliga tiltakinum Danish Travel Awards í Sirkusbygninginum í Keypmannahavn, har 17 virðislønir vórðu handaðar.

Og millum nøvnini stendur Atlantic Airways eina ferð - á triðja plássi í bólkinum besta evropeiska flogfelag, sum Sun Air vann.

Millum hinar vinnararnar kunnu nevnast Alsie Express, sum gjørdist ársins innanríkisflogfelag frammanfyri Danish Air Transport og SAS. Og Thomas Cook, sum gjørdist besta leiguferðaflogfelag frammanfyri SAS og Tui Fly Nordic.

Portugal er besta ferðaland

Í mun til undanfarin ár kundu ikki starvsfólk í ferðavinnuni ikki atkvøða.

Hesaferð stóð greinarafyritøkan Epinion fyri atkvøðugreiðsluni við at spyrja 2.000 danir, sum vórðu lutfalsliga javnt býttir yvir aldur, útbúgving, inntøku og bústaði.

Ársins ferðaland varð eisini kosið. Besta ferðalandið í evropa er Portugal. Og besta ferðaland uttanfyri evropa er USA.

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243