Tí skalt tú ikki gera hetta um náttina

Danska trygdarstýrið mælir fólki frá at løða fartelefonina um náttina. Bæði løðari og fartelefon kunnu blíva so heit, at vandi kann standast av tí

Danska trygdarstýrið mælir fólki frá at løða fartelefonina um náttina, tí vandi kann standast av tí. Tryggingarfeløg ávara nú eisini

Høgni Djurhuus

Bjarni Mohr

05.11.2015 - 09:14

Hóast danska trygdarstýrið mælir frá at løða fartelefonina um náttina, tá fólk sova, lurtar meira enn annað hvørt fólk í Danmark ikki eftir ráðunum

Ein kanning, sum TNS Gallup gjørdi fyri tryggingarfeløgini Gjensidige Forsikring og Nykredit Forsikring, sigur, at 57 prosent løða fartelefonina um náttina, skrivar BT.

Tað er ikki vandaleyst at løða fartelefonina, meðan fólk sova. Bæði telefon og løðari kunnu gerast sera heit.

- Vit vita tíverri um, at eldur kemur í, tí fartelefonir og løðarar liggja á einari sofu ella í songini. Tað kann í ringasta føri gera, at sovandi fólk doyggja, sigur Kim Rud-Petersen, stjóri í samtakinum Nordic Gjensidige Forsikring í tíðindaskrivi, sum BT endurgevur.