Elin tekur við eftir Jógvan

Elin tekur við eftir Jógvan
Pedagogfelagið hevur fingið nýggja næstforkvinnu, Elina N.W. Tausen. Fleiri broytingar í nevndini síðandi í vár. Bara ein tiltakslimur eftir
Pedagogfelagið hevur havt manga orrustuna við arbeiðsgevararnar undanfarin ár. Her eru pedagogar í verkfalli uttan fyri Fíggjarmálaráðið. Næstformaðurin helt tó, at kós felagsins í forskúlamálinum var skeiv og fór tí úr nevndini í ótíð
 
21.08.2014 - 07:24

Nevndin í Pedagogfelagnum hevur skipað seg av nýggjum eftir at næstformaðurin, Jógvan Philbrow, fyrr í summar fór úr nevndini.
Nú er Elin N. W. Tausen næstforkvinna í Pedagogfelagnum.     

Jógvan Philbrow var so misnødgur við kósina og handfaringina hjá Pedagogfelagnum í málinum um forskúlar, at hann fór nevndini. 

Felagnum tørvar eina nýggja kós, sum byggir á faklig sjónarmið og fakligar grundgevingar um forskúlarnar, helduri Jógvan Philbrow.

Jógvan Philbrow heldur tað vera harmiligt, at hansara fakligu sjónarmið eru vorðin stríðsvápn í lønarsamráðingum og øðrum samráðingum millum Pedagogfelagið og arbeiðsgevararnar. 

Fleiri farin

Jógvan Philbrow var í nevndini í Pedagogfelagnum í hálvt tíggjunda ár, hálvt fimta ár var hann næstformaður. 

Hetta er triðja broytingin í nevndini í Pedagogfelagnum í ár. 

Á aðalfundinum í apríl varð Irdi Lið Gaardlykke vald sum hjálparfólkaumboð, eftir at Jannie Sofía í Skálum fór úr nevndini, hóast hon átti eitt ár eftir har. Hon fór at lesa til námsfrøðing.

Wenzel Olsen, sum eisini átti eitt ár eftir av sínum nevndarskeiði, fekk farloyvi frá nevndararbeiðinum. Fyri hann kom Bjarni Beder í nevndina.

Og so er Marjun Petersen komin í nevndina hjá Pedagogfelagnum fyri Jógvan Philbrow. 

Nú er bara ein tiltakslimur eftir, hóast tríggir vórðu valdir í apríl.  

 

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243