Nógvur UEFA-peningur til føroysk feløg

Øll fýra føroysku feløgini, sum verða í evropeiskum fótbólti í ár, fingu eitt gott lutakast, og tað kann hava við sær, at tey vinna nógvan pening

EB/Streymur fær 340 túsund evrur, ella 2,5 milliónir krónur, fyri fyrsta umfar, sum er ímóti meistarunum úr Andorra.

Leivur Frederiksen

Grækaris Djurhuus Magnussen

27.06.2013 - 10:46

EB/Streymur er føroyameistari og er tí við í undanumfarinum
til Champions League. Hetta er kappingin, sum gevur flest pengar. EB/Streymur
fær í fyrsta umfari 340 túsund evrur fyri at vera við. Tað eru 2,5 milliónir
krónur.<div><br></div><div>EB/Streymur fekk eitt gott lutakast, tí felagið skal møta
meistarunum úr Andorra. Tað er tí ikki óhugsandi, at EB/Streymur kann spæla seg
víðari. Gera teir tað, fær felagið 140 túsund evrur, sum er ein góð millión
krónur, afturat frá UEFA.</div><div><br></div><div>HB, ÍF og Víkingur fáa 100 túsund evrur fyri at verða við í
Evropa League. Spæla liðini seg víðari, fáa tey 100 túsund evrur afturat.</div><div><br></div><div>Tølini eru tikin eftir, hvussu UEFA býtti peningin í fjør.<p class="MsoNormal"><p></p></p>