Ein túr upp á turt. Úr Indonesia var siglt til Malaysia og síðan um Bengalhavið til Sri Lanka. Sri Lanka er plágað av borgarakríggi, og hetta setir sín dám á gerandisdagin og handilslívið í oynni, har armóð valdar. Hóast tað, so ber altíð til at tingast um prísin á teimum lívligu gøtumarknaðunum í Sri Lanka. Eitt bretskt par, sum livdi av at spæla tvørfloytu, mynstraði umborð, og síðani var kósin sett móti Maldivoyggjunum. Oyggjarnar eru kendar fyri sínu mongu og vøkru koralriv, so manningin á Salku Valku nýtti teir góðu kavingarmøguleikarnar. Rivini vóru tó so mong í tali, at knappliga stóð Salka Valka á turrum. Báturin fekk tó ongan skaða og kundi halda leiðina fram til Aden i Jemen.

Lagt til rættis: Durita Holm og Erik Torjusen. Klipt: Bjarnheðin í Hoyvík.