Stórmeistari? Hvat er tað?

Heitið “stórmeistari”, ella á enskum “Grand Master”, er tað hægsta, ein telvari kann røkka, næst eftir heimsmeistaraskapið. Tað eru umleið 1.400 stórmeistarar í øllum heiminum, og tí er hetta einki minni enn fantastiskt fyri ein føroying.

Kravið fyri at gerast stórmeistari er, at tú fært tríggjar sokallaðar GM-normar, og at styrkitalið er omanfyri 2500. Styrkitalið hjá Helga er 2546. Harumframt hevur Helgi vunnið tveir GM-normar, men av tí at tað telur dupult í olympiaduni, hevur hann loksins tryggjað sær heitið sum stórmeistari.

Helgi er sjálvlærdur

Tá styrkitalið hjá Helga fór upp um 2300, var eingin í Føroyum, sum kundi læra hann nakað. Sostatt hevur hann sjálvur ment seg til at røkka eitt styrkital upp á 2546.

Hjartaliga til lukku, GM Helgi Dam Ziska!