Eagles of Death Metal aftur á palli í París

Konsertin hjá Eagles of Death Metal í Bataclan bleiv avbrotin av ræðuleikunum, sum fóru fram inni í konsertsalinum, tá teir framførdu fyri trimum vikum síðani. 

Bjóðaðir á pall av U2

Bólkurin var tó skjótur at boða frá, at hóast teir vóru sera merktir av hendingini, so ynsktu teir fegnir at sleppa at spæla aftur í París. Hetta fingu teir høvi til, tá U2 bjóðaði teimum upp á pallin til konsertina, sum írsku rokk-legendurnar høvdu í París í gjár.

Les eisini: "Vit ætla okkum aftur at spæla í Bataclan"

"Pallur teirra bleiv tikin frá teimum fyri trimum víkum síðani. Tískil vilja vit fegnir bjóða teimum okkara," segði Bono, forsangarin í U2, áðrenn teir báðir bólkarnir saman spældu lagið 'People Have the Power' hjá Patti Smith. 

Síggj brot frá konsertini niðanfyri.