Grasorma Cup á Grasormastadion

Føroyskar fótbóltslegendur sum Tróndur Vatnhamar, Jónas Tór Næs og Árni Guldborg Nielsen hava slitið mangar gaggur á Grasormastadion Ternuryggi. Á hvørjum ári samlast nakrar av legendunum og hinir amatørarnir aftur at spæla fótbólt.

Tað byrjaði við einum grannalagi, ið var dominerað av dreingjum, og einum fótbóltsvølli mitt í rokanum. Dreingjalótirnar vóru nógvar og ikki minst fótbóltsdystirnir.

Fleiri teirra eru blivnir vaksnir og eru fluttir í nýggj grannaløg. Tó so, á hvørjum ári samlast teir (ella í øllum førum nakrir) aftur at spæla fótbólt sum í gomlum døgum. Eftir kappingina er øl og prát um gamlar dagar á skránni.

Grasormar spæla Grasorma Cup á Grasormastadion

Tað er ikki av ongum, at felagsnevnarin er grasormur. Tað sigst, at ein fótbóltslegenda bleiv lokkað at eta ein grasorm undir einum fótbóltsdysti. Harav bleiv felagsnevnarin grasormur...

Genturnar sluppu sjáldan upp í part (tær ótu heldur ikki grasormar), men á Grasorma Cup plaga genturnar at sleppa upp í part, hóast tær eru fáar í tali og eru í vánaligari venjing. Genturnar fáa tó sersømdir; eitt mál telur sum fimm...

Grasorma Cup 2015

Undanfarnu ár hevur undirtøkan ofta verið góð, og fleiri av teimum elstu í grannalagnum hava spælt við. Eitt ári var miðalaldurin á eina liðnum 29 ár. Í dag var undirtøkan tó lítil, og neyðugt var at ringja eftir styrki frá øðrum grannaløgum. Hóast tað var oyasandi regn og kalt, so fingu teir trettan leikararnir eina fína kapping. 

- Huff, eg orki ikki meira
 

- Hetta er fyrstu ferð, at eg havi spælt her í langa tíð uttan at verið fullur
 

Stigini og málskorðararnir verða skrivað upp so hvørt
 

- Fanin, nú verður gott at fáa eina øl