Útgávukonsertir hjá Dánjal um vikuskifti

12. septembur kom fløgan, Time, hjá Dánjal á Neystabøð, ella Dánjal sum bólkurin kallast, út kring heimin. Í kvøld hevur hann eina útgávukonsert í Odense og leygarkvøldið spælir hann í Global Copenhagen. So ert tú í keypmannahavn ella Odense, kanst tú nýta høvið til at fara á konsert. Eisini vera fleiri konsertir í Týsklandi og Svøríki í oktobur og novembur.

Nýggja fløgan vísir bólkin frá eini øðrvísi síðu. Time er meiri popput, og so er hon samansett við rokktónleiki og heimspekiligum tekstum. 

"Eg eri troyttur av tónleiki og teksti, sum bert bera tað fram, sum lurtarin longu veit og hevur hoyrt áður, og sum bara váttar støðuna lurtarin longu er í", sigur Dánjal á Neystabø um fløguna.

Fløgan hevur fingið góð ummæli, Capac.dk viðmælir fólki at lurta eftir henni, og Jazztheetik skrivar soleiðis um fløguna: "A record that will pleasantly keep you engaged for a long time." 

Hoyr lagið Raindrops av nýggju fløguni og síggj nýggja sjónbandalagið.

Her kanst tú lesa meiri um útgávukonsertina og nýggju fløguna.