Hetta var dropin

Í løtuni royndarkoyrir Tórshavnar kommuna eina talgilda innskrivingarskipan á fýra dagstovnum í kommununi. Tað er góða gamla bláa protokollin, sum nú fer í søguna og má víkja fyri ipaddinum.

Tað eru tó ikki øll, sum halda, at talgildingin av innskrivingarskipanini er eitt gott hugskot. Jenny Old, sum er námsfrøðingur, er ein av teimum. Hon hevur so nógv ímóti skermum í dagstovnunum, at hon hevur sagt seg úr starvi.

Tíðin, myndugleikarnir - og foreldur – seta krøv til tøkniliga menning á dagstovnunum. Tað sigur Jan Mølvad Laursen, leiðari fyri dagstovnaøkið í Tórshavnar kommunu, sum eisini sigur, at námsfrøðingar onki hava at stúra fyri