Vit skulu vita meira um teknmál í Føroyum

Torradagar eru í Klaksvík, og í gjár var millum annað høvi at fara á teknmálskafé.

Kaffistovan var partur av granskingarverkætlan hjá Meifríð Weihe Hansen, har sjóneykan verður sett á hvussu tað stendur til við teknmáli í Føroyum.

Tað hevur týdning at verja teknmálið, segði Meifríð, sum sjálv er deyv, tá Kringvarpið fekk orðið á hana og tulkin Svannu Hentze í Gong í Klaksvík leygardagin.

Teknmálskaféin var millum annað nýtt til dátuinnsavning til granskingarverkætlanina, sum skal geva betur innlit í støðuna hjá teknmáli í Føroyum.

Verkætlanin er stuðlað av Nordplus.