Atkvøður á smáum støðum ov sjónligar

Ein, ið stóð fyri skotum eftir løgtingsvalið hóskvøldið, var gjáarmaðurin, Sofus Debes Johannesen, ið ongantíð hevur dult, at hann er javnaðarmaður.

Við Gjógv høvdu 18 fólk valrætt, men tá ið úrslitið varð kunngjørt, hevði Javnaðarflokkurin onga atkvøðu fingið.

Ein av teimum, ið fleiri ferðir hevur gjørt vart við trupulleikan við, at tað er ilt at greiða loyniliga atkvøðu á smáum valstøðum, er sambandstingmaðurin Helgi Abrahamsen.

Hann mælir til somu loysn, sum Sofus Debes Johannesen nevnir, at atkvøðurnar frá smærru valstøðunum verða taldar saman við atkvøðunum frá øðrum valstøðum.

Helgi Abrahamsen vónar, at hetta kundi verið eitt mál, ein nýggj landsstýrissamgonga fekk við í samgonguskjalið.