Ávara um filmsbrot av ferðsluóhappi

Politiið ávarar nú um eitt filmsbrot, sum er í umferð á sosialu miðlunum.

Talan er um eitt filmsbrot av einum álvarsligum ferðsluóhappi, sum var í Havn um vikuskiftið.

Tað er brot á revsilógina at lata slík filmsbrot víðari, og kann geva fongsulsrevsing í seks mánaðir.

Politiið heitir staðiliga á øll, sum hava filmsbrotið, um at strika tað, og ikki lata tað víðari til onnur.

Hoyr Michael Boolsen, fúta, í útvarpstíðindunum.