2.500 fólk í ALS

Hjá ALS arbeiða tey av øllum alvi, fyri at skráseta allar fráboðaninar um fyritøkum, sum hava sent fólk til hús vegna koronasmittuna.

Higartil eru umleið 2.500 fólk meldað til koronaskipanina hjá ALS.

Fleiri stórir arbeiðsgevarar eru tó enn ikki skrásettir, og tí fer talið at veksa enn meira næstu dagarnar.

Eini 4.000 fólk vera væntandi í ALS um eina viku, sigur Magni á Deild Olsen, stjóri í ALS.