Løgmaður: Henrik skal fylgja samgongumeirilutanum

01.10.2018 - 18:11
InnlendisPolitikkur
Løgmaður: Henrik skal fylgja samgongumeirilutanum
Legði Henrik Old ikki frá sær sjálvur, so hevði Aksel V. Johannesen helst tikið málsøkið frá honum

-Landsstýrismaðurin skal fylgja tí meiriluta, sum er í samgonguni. Og tá samgongumeirilutin vil hava tunnilsliðið hjá Henriki Old at seta borin í Dalstunnilin fyrst - so skal Henrik Old gera tað.
 
Tað sigur Aksel V. Johannesen, nú Henrik Old í dag legði frá sær - sambært fyrrverandi landsstýrismanninum tí onnur enn hann skulu gera av, hvat hendir á málsøkinum hjá sær.
 
Bill Justinussen, løgtingsmaður fyri Miðflokkin, segði við in.fo leygardagin, at lógaruppskot um at gera Fámjins-tunnilin beinanvegin verður borið í tingið fyrsta dagin.
 
Hóast meirilutin av samgonguni ynskir at gera Dalstunnilin áðrenn Fámjinstunnilin, so er samgongan ikki samd um tað, váttar Aksel V. Johannesen.
 
Tá ásannar løgmaður, at andstøðuuppskotið um Fámjinstunnilin kann gera enda á samgonguni, um samgongulimir fara at atkvøða fyri tí.
 
Samstundis sum Henrik Old í dag leggur frá sær, tí hann ikki fær loyvi at bora Fámjinstunnilin fyrst, so sigur løgmaður í tíðindaskrivi seinnapartin, at samgongan er sinnað at kanna møguleikan fyri at hækka játtanina soleiðis, at tunnilin til Dals kann borast skjótt, og harvið verður skjótari at koma til Fámjinstunnilin:
 
Samgongan hevur annars júst lagt fram fíggjarlógaruppskotið fyri 2019, og har eru sjey milliónir krónur játtaðar til tunnilstoymið næsta ár.
 
Sambært løgmanni verður nýggjur landsstýrismaður í samferðslumálum settur "innan nakrar vikur". Til ta tíð umsitur løgmaður sjálvur málsøkið.
 
Hoyr samrøðu við Aksel V. Johannesen við at trýsta á pílin undir myndini.
 
 

 

 
Er kopiera

Sí eisini

Nýggjastu sendingar í ÚV
Sunnudag 23. februar
Kallið: "Eg varnaðist, at deyðin var har".
188104
Leygardag 22. februar
Jambalaja - 220225
188155
Leygardag 22. februar
Upp á tá - 210225
188152
Leygardag 22. februar
Vikan 22. februar 2025
188150
Nýggjastu sendingar í SV
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160
Leygardag 22. februar
Dagur og vika - teknmálstulkað
188151