Mjølnir og ÍF ganga á odda

Mjølnir og ÍF ganga á odda
Í Mjølni hevur spælandi venjarin, Christian Imhoff, kollvelt ungdómsflogbóltin, meðan ÍF er flutt inn í nýggja flogbóltshøll. Liðini hittast í steypafinaluni leygardagin
21.02.2022 - 10:52

Tvey feløg hava myndað føroyskan mansflogbólt seinastu árini.

Síðan 2018 hevur ÍF vunnið eitt meistaraheiti og eina steypakapping, meðan Mjølnir hevur vunnið tvær ferðir í hvørjari kapping.

Leygardagin hittast liðini aftur í steypafinaluni.

Christian Imhoff hevur verið spælandi venjari í Mjølni, síðan korona byrjaði at gera um seg fyri tveimum árum síðani, og argentinin hevur kollvelt ungdómsflogbóltin í felagnum.

 - Uppdriftin í felagnum hevur verið øgilig seinastu árini, serliga á manndólkasíðuni. Í ár meldaðu vit tvey lið til steypakappingarnar, sigur formaðurin, Jóhann Lützen.

 - Hann hevur fingið nógvar dreingir at venja flogbólt, sum annars hevur verið ein trupulleiki hjá okkum seinnu árini. Somikið nógvir ungir dreingir eru komnir at venja, at vit hava tvey lið í aldursbólkinum dreingir 19, meðan hini feløgini einki hava.

Í Fuglafirði er flogbóltsstøðan eisini góð. Felagið hevur vant og spælt sínar heimadystir í høllini á Kambsdali í eitt mannaminni, men um vikuskiftið flutti ÍF inn í nýggju høllina í skúlanum í Fuglafirði.

 - Øll í felagnum hava verið spent leingi, og endiliga eru vit sloppin inn. Hetta er ein super flogbóltshøll, og vit eru ordiliga glað í ÍF-flogbólti, sigur Bjarni Larsen, sum telist millum royndu spælararnar í einum annars ungum ÍF-hópi. 

Finaluna eru bæði liðini sjálvandi spent upp á. Mjølnir er eitt sterkt álopslið við langum spælarum, meðan fuglfirðingar eru minni og kvikari og stinnir í verjupartinum, og tí verður mett, at finalan kann fara báðar vegir.

 
Er kopiera
Nýggjastu sendingar í ÚV
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180