Styggja grønlendsk skip burtur

Seinasta summar gjøridst Grønland partur av innara marknaðinum í ES, og tí skulu grønlendsk skip nú lúka nýggjar treytir. Tí eru skip sum Polar Princess endað í einari fløkju millum føroyskar og danskar heilsumyndugleikar. 

- Tað er klossut, um føroyskir heilsumyndugleikar styggja grønlendsk skip, sum vilja landa í Føroyum, burtur, heldur Janus Rein, tingmaður fyri Fólkaflokkin. 

Hann hevur sett Johan Dahl, landsstýrismanni, fyrispurning um málið.

Stjórin á Heilsufrøðiligu Starvsstovuni, Bárður Enni, vildi ikki gera samrøðu við Dag og Viku um málið í gjár. Men hann sigur, at tey eru í ferð við at loysa trupulleikan.